Høyring - forslag til endringar i regelverket for sjukepengar og stønad ved barns sjukdom (folketrygdlova kapittel 8 og 9)

Kapittel 8 i folketrygdlova gir føresegn om rett til sjukepengar ved arbeidsuførleik på grunn av sjukdom eller skade. Departementet foreslår ei endring i reglane for sjukepengar: Frilansarar som midlertidig er utan arbeid og som mottar sluttvederlag eller etterlønn, skal få rett til sjukepengar etter reglane som gjeld for inaktive personar, i inntil seks månader etter siste oppdrag. Det vil vere i samsvar med reglane som gjeld for arbeidstakarar som mottar sluttvederlag eller etterlønn. I dag har frilansarar berre rett til sjukepengar i inntil éin månad etter siste oppdrag.

Kapittel 9 i folketrygdlova gir føresegn om rett til omsorgspengar (sjukt-barn-dagar), pleiepengar og opplæringspengar. Departementet foreslår å lovfeste at vedtak om utvida rett til omsorgspengar kan avgrensast i tid. Forslaget vil sikre at den utvida retten omfattar dei barna som fyller vilkåra over tid. I tillegg vil det gjere forvaltinga av ordninga enklare for Arbeids- og velferdsetaten.

Departementet foreslår vidare ei lovteknisk endring der reglane om gradering for pleiepengar og opplæringspengar blir samla i éi føresegn av pedagogiske omsyn og forenklingsomsyn. Som ein del av dette blir det foreslått  å fjerne føresegna om at graderte pleiepengar skal målast opp mot ei arbeidsveke på 37,5 timar. Dette følger av forskrift i dag og treng ikkje stå i ny føresegn om gradering.

Departementet foreslår òg å regulere talet på personar som kan dele på 100 prosent pleiepengar. I dag er dette ikkje nærmare regulert, og praksis har vore ulik. Vidare blir det foreslått å presisere eit lovkrav om medisinsk dokumentasjon ved unntak frå gradering av pleiepengar ved nattevake og beredskap. Det bør komme fram av legeerklæringa om det er nødvendig med nattevake eller å vere i beredskap, og om dette er til hinder for at ein mottakar av pleiepengar kan arbeide når barnet likevel har tilsyn frå andre.

Departementet foreslår vidare endringar i føresegna om rett til opplæringspengar for å bringe lova i samsvar med praksis og dagens tenestilbod. Til slutt blir det foreslått å etablere ein heimel til å gi forskrifter som tydeleg og samla gjer greie for kva reglar i folketrygdlova kapittel 8 som skal gjelde for pleiepengar og opplæringspengar. Dette forslaget har eit pedagogisk formål.

Frist for å sende inn høyringssvar er 22. august 2025

Høyringar er opne, og alle kan sende svar til oss. Vi gjer merksam på at høyringssvar er offentlege etter offentleglova, og vil bli publiserte saman med andre høyringssvar. Vi ber om at høyringssvar blir sendt inn digitalt ved å bruke skjemaet for høyringssvar på regjeringen.no.

Med helsing

Stine Frøyland 

avdelingsdirektør                                                 Cecilie Ringnes 

                                                                                 seniorrådgjevar 

Høyringsnotat om endringar i regelverket for sjukepengar og stønad ved barns sjukdom (folketrygdlova kapittel 8 og 9) .pdf

Departementene

Akademikerne

Arbeiderbevegelsens Arbeidsgiverforening (AAF)

Arbeids- og velferdsdirektoratet

Arbeidsforskningsinstituttet (AFI)

Arbeidsgiverforeningen Spekter

Arbeidssamvirkenes Landsforening (ASVL)

Arbeidstilsynet

Autismeforeningen i Norge

Barne-, ungdoms- og familiedirektoratet

Barnekreftforeningen

Barneombudet

Cerebral Parese-foreningen (CP-foreningen)

Datatilsynet

De regionale helseforetakene

Den norske advokatforening

Den norske jordmorforening

Den norske legeforening

Epilepsiforbundet

Fagforbundet

Fellesorganisasjonen

Finans Norge

Foreningen for hjertesyke barn

Forskningsstiftelsen Fafo

Frambu kompetansesenter for sjeldne diagnoser

Frambu kompetansesenter for sjeldne diagnoser

Frischsenteret

Funksjonshemmedes Fellesorganisasjon (FFO)

FØL Norge - For Økt Levestandard

Handikappede Barns Foreldreforening

Helsedirektoratet

Institutt for samfunnsforskning

Integrerings- og mangfoldsdirektoratet (IMDi)

Juridisk Rådgivning for Kvinner (JURK)

Juristforbundet

Juss-Buss

Jussformidlingen

Jusshjelpa i Nord-Norge

Kommunal Landspensjonskasse (KLP)

Kommunene

Kreftforeningen

KS – Kommunesektorens organisasjon

Landsorganisasjonen i Norge (LO)

Likestillings- og diskrimineringsombudet

LO-Kommune

LO-stat

Løvemammaene

ME-foreningen

Nasjonal kompetansetjeneste for sjeldne diagnoser (OUS)

Nasjonalforeningen for folkehelsen

Norges Handikapforbund

Norges Kvinne- og Familieforbund

Norsk Barnelegeforening

Norsk Forbund for Utviklingshemmede (NFU)

Norsk NCL-forening (tidligere Norsk Spielmeyer-Vogt Forening)

Norsk Psykologforening

Norsk senter for menneskerettigheter

Norsk Sykepleierforbund (NSF)

Norsk Tjenestemannslag (NTL)

Norsk Tourette Forening

Sanitetskvinnene

Næringslivets Hovedorganisasjon (NHO)

Organisasjonen For Uføres Rettigheter

Pasient- og brukerombudet

Personskadeforbundet LTN

Personvernkommisjonen

Pårørendealliansen

Regjeringsadvokaten

Revmatikerforbundet 

Ryggmargsbrokk- og hydrocephalusforeningen (RH-foreningen)

Samarbeidsforumet av funksjonshemmedes organisasjoner (SAFO)

Sametinget

Samfunnsøkonomene

Sivilombudet

SMB Norge

Statens arbeidsmiljøinstitutt (STAMI)

Helsetilsynet 

Statens pensjonskasse

Statistisk sentralbyrå (SSB)

Statlige høgskoler

Statsforvalterne

Trygderetten

Unio

Universitetene

Virke

Yrkesorganisasjonenes sentralforbund (YS)

AAP-aksjonen