Kick-off for ny nasjonal strategi for økologisk jordbruk

Arrangementet vart halde i Landbruks- og matdepartementet med deltakarar frå heile verdikjeda for økologisk jordbruk.

– Eg er glad for at vi fekk til eit «kick-off» med sentrale aktørar frå økologisk matproduksjon no før sommaren. Målet skal nåast innan 2032, det er derfor viktig at vi kjem i gang med arbeidet så fort som mogleg, seier landbruks- og matminister Nils Kristen Sandtrøen.

Nasjonal strategi for økologisk jordbruk (2025-2032), Fra økologisk jord til middagsbord, vart lansert 11. april på Bygdøy Kongsgård. I strategien føreslår regjeringa ti tiltak for å auke omsetnaden og produksjon av økologisk mat. Dette skal bidra å nå målet om 10 prosent av det totale jordbruksarealet skal vere økologisk innan 2032, samstundes som det vert stimulert til auka omsetnad og etterspurnad i marknaden.

På møtet fremheva statsråden kor viktig det er å samarbeide for å nå målet. Aktørane fekk 3 minuttar kvar til å seie nokre ord om kva bedrita deira kan bidra med for å oppnå målet.

– Det er gledeleg å sjå så mykje engasjement for økologisk mat og jordbruk, og det var spennende å høyre kva aktørene sælve meiner at dei kan bidra med for å nå målet. Dei kom med positive tilbakemeldinger om å inngå ein intensjonsavtale, og eg ser fram til det vidare arbeidet.